Породувањето е еден од најважните моменти во животот на секоја жена, но за многу идни мајки, само помислата на овој ден може да предизвика страв, сомнеж во себе или несигурност.
Како едукатор за породување, низ изминатите години имав чест да водам над пет успешни работилници посветени на справување со страв од породување, и сакам да споделам што научив од жените кои се соочуваат со овие предизвици.
Најчестите стравови со кои се среќаваме
Во работилниците, жените најчесто ги споделуваат следните стравови:
- Страв од болка: Ова е најчестиот страв, бидејќи многу мајки не знаат што точно да очекуваат и како да се справат со контракциите.
- Страв од компликации: Помислата дека нешто може да тргне наопаку често предизвикува несигурност.
- Страв од непознатото: Недостатокот на информации за тоа што се случува за време на породувањето создава дополнителна анксиозност.
- Страв од губење контрола: Многу жени се плашат дека нема да можат да се справат со ситуацијата или дека ќе се чувствуваат беспомошно.
- Страв поврзан со негативно претходно искуство: Жени кои веќе поминале низ породување може да имаат трауми од претходниот процес.
Како стравот влијае врз породувањето?
Стравот може значително да влијае на физичкото и менталното здравје на мајката за време на породувањето. Кога телото е под стрес, лачи повеќе хормони на стрес, како кортизол и адреналин, што може да го забави процесот на породување. Ова доведува до:
- Намалена ефикасност на контракциите.
- Зголемено чувство на болка.
- Поголема потреба од медицински интервенции.
Зошто е важно да се подготвиш?
Кога мајката е информирана и подготвена, таа стекнува чувство на контрола и доверба во своето тело. Подготовката преку работилници како нашата ти овозможува:
- Да ги разбереш процесите на породување и што можеш да очекуваш.
- Да научиш техники за дишење и справување со болка.
- Да ги намалиш стравовите и анксиозноста преку практични алатки.
- Да се чувствуваш посигурна и подготвена за оној магичен момент.
Дали се препознаваш во некоја од следните изјави?
- “Ме плаши мислата дека нема да можам да се справам со болката.”
- “Не знам што да очекувам и тоа ме прави анксиозна.”
- “Имав лошо искуство со првото породување и не сакам повторно да поминам низ тоа.”
- “Се плашам од компликации за мене или за бебето.”
- “Се чувствувам како да не сум подготвена за она што ме очекува.”
Ако се препознаваш во некоја од овие изјави, те поканувам да се пријавиш на нашата работилница за справување со страв од породување, која започнува на 20 декември. Работилницата е дизајнирана да ти помогне да ги надминеш стравовите, да научиш техники за дишење и да го дочекаш породувањето со самодоверба и мир.
Што ќе добиеш на работилницата?
- Детални видео лекции за тоа што се случува за време на породувањето.
- Техники за справување со болка и страв.
- Индивидуална поддршка и насоки за твоите лични стравови.
- Пристап до затворена Viber група за поддршка.
Пријавувањето трае само 7 дена почнуваме на 20 декември, а бројот на учеснички е ограничен!
Цената е 990 денари
Придружи ни се и подготви се за овој магичен момент со смиреност и доверба.
Доколку сакаш да учествуваш пријави се на следниот линк:
5 ДНЕВНА РАБОТИЛНИЦА – Ослободи се од стравот од породување – Катче за трудници, родители и бебиња
